Kanada hökuməti Haitiyə humanitar yardım üçün 12,3 milyon ABŞ dolları ayırıb.
APA xəbər verir ki, bu barədə Kanadanın baş naziri Castin Trüdo Beynəlxalq Frankofoniya Təşkilatının Cerbada keçirilən sammitində bildirib.
Onun sözlərinə görə, Kanada Haitiyə lazımi humanitar yardım göstərməkdə davam edəcək.
Ayrılan vəsait Birləşmiş Millətlər Təşkilatı vasitəsilə Haitiyə köçürüləcək.
Bundan əlavə, Trüdo bildirib ki, Ottava korrupsiyada şübhəli bildiyi Haitinin keçmiş prezidenti Mişel Martelliyə qarşı sanksiyalar tətbiq edib.