Kanadanın Britaniya Kolumbiya əyalətində Şimali Amerika ölkələrindən olan yerli uşaqlar üçün nəzərdə tutulmuş keçmiş məktəbin ərazisində növbəti böyük məzarlıq aşkar olunub.
APA xəbər verir ki, bu barədə “CBC” telekanalı məlumat yayıb.
Məktəb Krenbruk şəhərində yerləşib və 1970-ci ildə bağlanıb. Burada 182 adsız qəbir tapılıb. Ehtimal olunur ki, bu qəbirlər ölən uşaqlara aid olub.
Keçən həftə Saskaçevan əyalətində hindi qəbilələrinin uşaqları üçün nəzərdə tutulmuş keçmiş keçmiş internat məktəbinin yanındakı ərazidə 751 adsız qəbir aşkar edilmişdi. Mayın sonunda Britaniya Kolumbiyasında hindi uşaqlar üçün olan başqa bir məktəbdə 215 azyaşlının qalıqları tapılmışdı. Bu xəbərdən dəhşətə gələn Kanada ictimaiyyəti hakimiyyətdən sonuncusu 1996-cı ildə bağlanmış bütün hindi məktəblərinin ərazilərində oxşar qazıntılar aparılmasını tələb etdilər. Həmçinin bu cür məzarlıqların və məktəblərin aşkar olunmasına imkan verəcək sənədlərin dərc olunması üçün Roma-Katolik kilsəsinə çağırışlar edilib.
Qeyd edək ki, 1876-cı ildə baş nazir Con Makdonaldın Kanadadakı rəhbərliyi dövründə hindilərlə bağlı akt – federal hökumətin ehtiyacları üçün ölkənin yerli xalqlarının torpaqlarının ələ keçirilməsini nəzərdə tutan qanun qəbul edilmişdi. 1884-cü ildə ona rezident adlanan xüsusi məktəblərin yaradılması ilə bağlı əlavələr də edildi. Hindi qəbilələrin uşaqlarının Kanada ictimaiyyətinə inteqrasiya edilməsi üçün onlar zorla bu internat məktəblərinə aparılırdı. Statistikaya görə, 150 min şagirddən azı 3,2 mini döyülmə və xəstəliklərdən ölmüşdü.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
