Daşkəsəndə piyadanın vurulması ilə nəticələnən yol-nəqliyyat hadisəsi qəzası baş verib.
APA-nın qərb bürosunun verdiyi məlumata görə, hadisə Daşkəsən şəhərində qeydə alınıb. “VAZ 2106” markalı avtomobil yolu keçmək istəyən rayon sakini, 1961-ci il təvəllüdlü Səfərova Leyla Cavad qızını vurub. Müxtəlif bədən xəsarətləri alan qadın xəstəxanaya yerləşdirilib. Vəziyyətinin normal olduğu bildirilir.
Faktla bağlı Daşkəsən rayon Polis Şöbəsində araşdırma aparılır.