"ABŞ-ın hazırkı administrasiyası Rusiya ilə heç bir siyasi dialoqda maraqlı deyil".
APA xəbər verir ki, bunu Rusiyanın xarici işlər naziri Sergey Lavrov CBS telekanalına müsahibəsində deyib.
“İndiki administrasiya hər hansı siyasi dialoqda maraqlı deyil”, - deyə nazir bildirib. O vurğulayıb ki, istisnalar “zaman-zaman” mübadilə, Vaşinqton və Moskvada ölkə səfirliklərinin fəaliyyəti, Nyu-Yorkdakı rus diplomatlarının missiyası ilə bağlı təmaslardır. “Ancaq heç vaxt siyasi məsələlər deyil”, - Lavrov qeyd edib.
Lavrov qeyd edib ki, Rusiyanın danışıqların əleyhinə olması barədə iddialar doğru deyil. "Əslində bunu (ABŞ Dövlət Katibi) Antoni Blinken bir neçə gün əvvəl Davosda demişdi. Bu belə deyil. Rusiya həmişə vurğulayıb ki, hər hansı ciddi təklif olsa, yerdəki vəziyyətin, Rusiyanın dövlət maraqları və Ukraynadakı insanların maraqlarını təmin edəcək həll yoluna gəlməyə, müzakirəyə hazırdır”, - deyə nazir vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
