Fövqəladə Hallar Nazirliyinin Dövlət Yanğından Mühafizə Xidməti bu gün saat 14:30-da “Alov qüllələri” kompleksindəki “Fairmont Baku” otelində “Bakı-2017” IV İslam Həmrəyliyi Oyunlarına hazırlıq məqsədi ilə "Yanğınsöndürmə və xilasetmə işlərinin təşkili" mövzusunda xüsusi taktiki təlim keçirəcək.
FHN-in mətbuat xidmətindən APA-ya bildirilib ki, təlimə nazirliyin 4 ədəd xüsusi texnikası və 50 nəfər canlı qüvvəsi cəlb olunacaq.