Rusiya ABŞ və Böyük Britaniyanın Yəmənə hava zərbələri endirməsi ilə əlaqədar BMT Təhlükəsizlik Şurasının cümə günü üçün təcili iclasını çağırıb.
APA BBC-yə istinadən xəbər verir ki, bu barədə Rusiyanın BMT-dəki daimi nümayəndəliyi məlumat yayıb.
İclasın Nyu-York vaxtı ilə saat 10:00-a planlaşdırıldığı qeyd edilib.
Çərşənbə günü BMT TŞ Yəməndə husilərdən Qırmızı dənizdə üzən gəmilərə hücumların dərhal dayandırılmasını tələb edən qətnamə qəbul edilib. TŞ-nin daimi üzvləri olan Rusiya və Çin qətnamə ilə bağlı səsvermədə bitərəf qalıblar.
***
08:13
ABŞ və Böyük Britaniyanın Yəmənə hücumu ilə əlaqədar Rusiya BMT Təhlükəsizlik Şurasının təcili iclasının çağırılmasını tələb edib.
APA-nın məlumatına görə, bu barədə Rusiyanın BMT-dəki daimi nümayəndəliyinin mətbuat xidməti məlumat yayıb.
“Rusiya Birləşmiş Ştatların və Böyük Britaniyanın Yəmənə endirdiyi zərbələrlə əlaqədar yanvarın 12-də BMT Təhlükəsizlik Şurasının təcili iclasının keçirilməsini tələb edib”, - məlumatda bildirilir.
Xatırladaq ki, yanvarın 11-də BMT Təhlükəsizlik Şurası Qırmızı dənizdə gəmiçiliyin təhlükəsizliyi ilə bağlı ABŞ-ın təklif etdiyi qətnaməni qəbul edib. Sənəddə ərazidə gəmilərə hücumların dərhal dayandırılması tələbi yer alır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
