“Vaşinqton Tehranın nüvə silahı yaratmasına imkan verməyəcək”.
APA-nın RİA “Novosti” agentliyinə istinadən verdiyi xəbərə görə, bu bəyanatla ABŞ-ın vitse-prezidenti Maykl Pens çıxış edib.
O bildirib ki, İran ballistik raketlərin hazırlanması üzrə işləri davam etdirir, eləcə də terror təşkilatlarına dəstək verir.
M.Pens qeyd edib ki, ABŞ lideri Donald Tramp nüvə razılaşması ilə bağlı fikir ayrılıqlarının aradan qalxması məqsədilə Tehrana qarşı təkrar sanksiyaların tətbiqindən imtina edib.
Bununla belə, vitse-prezident vurğulayıb ki, ABŞ gələcəkdə bənzər güzəştlər etmək niyyətində deyil: “Səhv salmayın, bu, onların sonuncu şansıdır. Önümüzdəki aylarda İranla nüvə razılaşmasına yenidən baxılmasa, ABŞ yubanmadan razılaşmadan geri çəkiləcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
