Sosial

Ana səhifə

Sosial

Ötən gün qidadan zəhərlənən 10 şagirdin hamısı evə buraxılıb - YENİLƏNİB

Ötən gün qidadan zəhərlənən 10 şagirdin hamısı evə buraxılıb - <span style="color: red;">YENİLƏNİB

15 aprel 2017 10:51 (UTC +04:00)

Ötən gün 22 saylı məktəbdə baş verən qida zəhərlənməsi nəticəsində xəstəxanaya yerləşdirilən 10 şagirdin hamısı evə buraxılıb.

5 saylı Birləşmiş Uşaq İnfeksion Xəstəxanasından APA-ya verilən xəbərə görə, zəhərlənən məktəblilər bu gün təkrar müayinə edilib, vəziyyətləri stabil olduğundan hamısı evə yazılıb.

***

saat 11.09

Ötən gün 22 saylı məktəbdə baş verən qida zəhərlənməsi nəticəsində xəstəxanaya yerləşdirilən 10 şagirdin hamısının vəziyyəti kafidir.

5 saylı Birləşmiş Uşaq İnfeksion Xəstəxanasının qəbul şöbəsindən APA-ya verilən xəbərə görə, Maştağa qəsəbəsində yerləşən 22 saylı orta məktəbdə baş verən hadisə nəticəsində zəhərlənən məktəblilərin 8-i təcili yardım, 2-si sonradan valideynləri vasitəsilə gətirilib. Şagirdlərdən 5-i qız, 5-i oğlandır.

Bunlar Kərimli Züleyxa (2006), Məmmədov Cavid (2005), Həsənov Elşad (2006), Haciyeva Fatimə (2006), Yusifov Səyyad (2006), Rəsulova Nəzrin (2005), Şamilov Kənan (2006), Nuruzadə Cavad (2006), Tahirova Fidan (2006), Rəhimzadə Rüqəyyadır (2006).

Məktəblilərin və valideynlərin bildirdiklərinə görə, qida zəhərlənməsi şirniyyatdan olub. Belə ki, uşaqlardan birinin ad günü münasibətilə alınan pirojna V sinifdə paylanıb. Nəticədə şirniyyatdan qida zəhərlənməsi qeydə alınıb.