Keçmiş arvadını öldürməkdə təqsirləndirilən Samir Əliyev barəsində olan hökmdən apellyasiya şikayəti verilib.
APA-nın xəbərinə görə, işə Bakı Apellyasiya Məhkəməsində hakim Abdib Abdinbəyovun sədrliyi ilə baxılacaq. Məhkəmənin ilkin baxışı avqustun 31-nə təyin edilib.
Qeyd edək ki, 2015-ci il iyulun 6-da Bakı-Quba yolunda Bakı sakini, 1981-ci il təvəllüdlü Natəvan Əliyevanın meyiti tapılıb. Üç uşaq anası olan 34 yaşlı N. Əliyeva paytaxtda fəaliyyət göstərən xəstəxanaların birində həkim işləyib.
Qətli N. Əliyevanın keçmiş həyat yoldaşı, sabiq polis işçisi Samir Səməndər oğlu Əliyevin törətdiyi müəyyənləşib.
S. Əliyev Cinayət Məcəlləsinin 120.2.4-cü (xüsusi amansızlıqla adam öldürmə) maddəsi ilə ittiham olunub.
Bakı Ağır Cinayətlər Məhkəməsinin hökmü ilə S. Əliyev 20 il müddətinə azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
