Goranboyda yol qəzası baş verib.
APA-nın Qərb bürosunun verdiyi məlumata görə, hadisə rayonunun Qızılhacılı kəndi ərazisində qeydə alınıb.
Hərəkətdə olan "VAZ 2106" markalı minik avtomobilinin idarəetmədən çıxaraq yolun kənarına aşması nəticəsində 1-i qadın, 2-i kişi olmaqla, 3 nəfər xəsarət alıb.
Yaralılar xəstəxanaya çatdırılıb. Onlara ilkin tibbi yardım göstərilib, vəziyyətləri kafidir.
Faktla bağlı araşdırma aparılır.