Donald Tramp prezident seçiləcəyi təqdirdə "Wall Street Journal"ın müxbirinin azad edilməsi ilə bağlı danışıqlar aparacağını vəd edib.
APA xəbər verir ki, bu barədə Tramp "Truth Social" platformasındakı hesabında bildirib.
Donald Tramp paylaşımında Rusiya Prezidenti Vladimir Putinlə münasibətlərindən Rusiyada həbsdə olan WSJ-nin müxbiri Evan Gerşkoviçin azadlığa çıxması üçün istifadə edəcəyini bildirib:
“Rusiya tərəfindən saxlanılan "The Wall Street Journal"ın müxbiri Evan Gerşkoviç seçkilərdən dərhal sonra, mən vəzifəyə başlamazdan əvvəl azad ediləcək. O, evdə, təhlükəsizlikdə və ailəsinin yanında olacaq. Rusiya Prezidenti Vladimir Putin bunu mənim üçün edəcək, başqası üçün deyil və biz heç bir şey ödəməyəcəyik”.
Xatırladaq ki, Gerşkoviç ötən il martın sonunda Yekaterinburq şəhərində casusluq ittihamı ilə həbs edilib. Həm WSJ, həm də Gerşkoviç casusluq ittihamlarını rədd edib, Ağ Ev isə ittihamı gülünc adlandırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
