Bakı-APA. ABŞ prezidenti Barak Obama və Səudiyyə Ərəbistanının kralı Salman bin Əbdüləziz əl-Saud İranın nüvə proqramı, Yaxın Şərqdə sülh nizamlanması və İŞİD-lə mübarizəni müzakirə ediblər.
APA-nın RİA Novosti agentliyinə istinadən verdiyi məlumata görə, bu barədə iki ölkə lideri Vaşinqtonda keçirdikləri qısa brifinqdə bildiriblər.
B.Obama bildirib ki, görüş zamanı İranın əldə olunan razılaşmanı pozma ehtimalı, Suriyada vəziyyətin sabitləşməsi və İŞİD-lə mübarizə diqqət mərkəzində olub.
Salman bin Əbdüləziz əl-Saud qeyd edib ki, Səudiyyə Ərəbistanı Yaxın Şərqdə davamlı sülhə nail olmaq üçün ABŞ-la daim birgə səy göstərməyə çalışır. O, həmçinin danışıqlarda iki ölkənin işgüzar dairələri arasında əməkdaşlığın genişləndirilməsi məsələsinə toxunulduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
