Bakı-APA. ABŞ-da 112 yaşında dünyanın ən yaşlı sakini Salustiano Sançes Blazkes vəfat edib. APA-nın “Assoşieyted Press”ə istinadən verdiyi xəbərə görə, 2013-cü ilin iyununda 117 yaşlı yaponiyalı Dziroemon Kimura vəfat etdikdən sonra Qinness Rekordlar Kitabı onu dünyanın ən qocaman sakini kimi qeydə alıb.
Salustiano Sançes Blazkes Nyu-Yorkda qocalar evində vəfat edib. O 1901-ci ilin iyunun 8-də İspaniyada anadan olub, 17 yaşında Kubaya köçüb, 1920-ci illərdə isə Amerikaya gələrək Kentukki ştatında mədəndə fəhlə işləyib. Bundan başqa o gəncliyində istedadlı musiqiçi olub və kənd toylarına mahnı ifa edirmiş.
Qeyd edək ki, Sançes Blazkesin 7 nəvəsi, 15 nəticəsi və 5 kötücəsi var.
Hazırda 1902-ci ilin mayın 2-də anadan olmuş Arturo Likata dünyanın ən yaşlı sakini hesab olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
