Bakı-APA. ABŞ-ın Missuri ştatında lal-kar uşaqları daşıyan avtobusun aşması nəticəsində 18 nəfər xəsarət alıb. APA-nın “RİA Novosti”yə istinadən verdiyi xəbərə görə, hadisə yerli vaxtla saat 13.30-da (Bakı vaxtı ilə 23.30-da) baş verib. Qəza nəticəsində 10-18 yaşlarında olan 15 əlil məktəbli, 2 tərbiyəçi və sürücü müxtəlif dərəcəli xəsarət alaraq xəstəxanaya yerləşdirilib.
ABC telekanalının verdiyi xəbərə görə, yaralıların həyatına təhlükə yoxdur.
Qəzanın səbəbləri barədə xəbər verilmir.