Bakı-APA. ABŞ dövlət katibi Con Kerri suriyalı həmkarı Valid əl-Müəllimlə telefon danışığında Suriyadakı vəziyyəti müzakirə edib. APA-nın “Frans Press”ə istinadən verdiyi xəbərə görə, telefon danışığı zamanı Dəməşq ətrafında ehtimal olunan kimyəvi silah istifadəsi məsələsinə xüsusi diqqət yetirilib.
Digər təfərrüatlar açıqlanmır.
Qeyd edək ki, avqustun 21-də bir sıra KİV-lər hökumət qüvvələrinin Dəməşq ətrafında kimyəvi silahdan istifadə etməsi barədə məlumatlar yayıb. İlkin məlumatlara görə, 600-dən çox insan kimyəvi silahın qurbanı olub. Suriya müxalifətinin milli koalisiyası isə 1300 nəfərin öldüyünü iddia edir. Hakimiyyət və ordu komandanlığı, öz növbəsində, bu xəbərləri təkzib edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
