Bakı-APA. ABŞ hökuməti Misirə hərbi və maliyyə yardımını azaldacağını bəyan edib. APA-nın BBC-yə istinadən verdiyi məlumata görə, ABŞ Dövlət departamentinin nümayəndəsi Cen Psaki bildirib ki, Vaşinqton yardım proqramını Misirdə inamlı demokratik islahatlar keçirilməyənədək dayandırmaq niyyətindədir.
Söhbət ilk növbədə “Abrams” tanklarının, F-16 qırıcılarının, “Apaçi” helikopterlərinin və “Harpun” raketlərinin satışının dayandırılmasından gedir.
Qeyd edək ki, hazırda ABŞ-ın Misirə yardımının həcmi 1,3 milyard dollar təşkil edir.