Bakı-APA. ABŞ Rusiya və Ukrayna arasında yaranan gərginlik fonunda NATO-dakı müttəfiqləri ilə əlaqələrini möhkəmləndirmək məqsədilə Polşa və Baltikyanı ölkələrə 600 hərbçi yollayıb.
APA-nın “Frans Press”ə istinadən verdiyi xəbərə görə, bu barədə Pentaqonun mətbuat katibi Con Kirbi bildirib.
“ABŞ-ın İtaliyada yerləşən 173-cü hava-desant briqadasından olan 160 hərbçi Polşaya aprelin 23-də gələcək. Daha 450 hərbçi isə Estoniya, Litva və Latviyaya yollanacaq”, deyə Kirbi bildirib.
Kirbinin sözlərinə görə, hərbçilər yaxın bir neçə aya planlaşdırılan hərbi təlimlərdə iştirak edəcəklər.
Qeyd edək ki, aprelin 20-də Polşa XİN rəhbəri Radoslav Sikorski Ukraynadakı böhrana görə ABŞ və NATO-ya ölkədə hərbi kontingenti artırmağı təklif edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
