Bakı-APA. Meksikada “İnqrid” qasırğası və “Manuel” tropik fırtınası nəticəsində ölənlərin sayı 50-yə çatıb. APA-nın “RİA Novosti”yə istinadən verdiyi məlumata görə, bu barədə yerli KİV-in yaydığı xəbərlərdə bildirilir.
Təbii fəlakət nəticəsində 240 mindən çox insanın mülkünə ciddi ziyan dəyib. Ümumilikdə zərərkəçənlərin sayı 1.2 milyon nəfərə çatır.
*** 06.38
Bakı-APA. Meksikada torpaq sürüşməsi nəticəsində ən azı 12 nəfər ölüb. APA-nın BBC-yə istinadən verdiyi məlumata görə, hadisə Verakrus ştatında güclü “İnqrid” qasırğasından sonra baş verib.
Bundan başqa 22 nəfər ölkənin qərb sahillərinə çatan “Manuel” tropik fırtınanın qurbanı olub.