Bakı-APA. Nyu-Yorkda BMT Təhlükəsizlik Şurasının daimi üzvlərinin qapalı toplantısı keçirilir. APA-nın “İnterfaks”a istinadən verdiyi məlumata görə, bu barədə “Əl-Arabiya” telekanalının yaydığı xəbərdə bildirilir.
Bundan öncə Britaniyanın baş naziri Devid Kemeron bəyan edib ki, BMT TŞ-nin iclasında ölkəsinin Suriya ilə bağlı hazırladığı qətnamə layihəsinin müzakirəsi gözlənilir.
BBC-nin məlumatına əsasən, müvafiq qətnamə layihəsində Suriyadakı mülki əhalinin təhlükəsizliyinin təmin edilməsi üçün nəzərdə tutulan tədbirlər əks olunub.