Bakı-APA. ABŞ-ın Nyu York ştatındakı koleclərin birində baş verən partlayış nəticəsində 7 nəfər yaralanıb.
APA-nın “Röyters”ə istinadən verdiyi xəbərə görə, insident ştatın Nayak şəhərciyində baş verib. Məlumata görə, partlayış günorta saatlarında binanın ikinci mərtəbəsində baş verib.
Xəsarət alanların az sayda olmasının səbəbi təhsil ocağında dərslərin yekunlaşması ilə bağlı olub. Yaralananların hamısı kollecdə çalışan əməkdaşlar olub. Xəsarət alanlar arasında ağır yaralıların olmadığı bildirilir.
Partlayışın səbəbləri araşdırılır, ilkin versiyaya görə, partlayış qaz sızması səbəbindən baş verib.
Hadisə yerində polis və FTB əməkdaşları araşdırma aparır.