Bakı. Şamil Əlibəyli – APA. Bu ilin fevral ayında İsrail tərəfindən nəzarət olunan Suriyanın Qolan təpələrində girov götürülən BMT-nin Kanadadan olan sülhməramlı Karl Kampo azadlığa buraxılıb. APA-nın BMT saytına istinadən verdiyi məlumata görə, hazırda kanadalı sülhməramlı BMT qüvvələrinin arasındadır. Bildirilir ki, onun sağlamlığına və həyatına heç bir təhlükə yoxdur. BMT baş katibi Pan Gi Mun onun azadlıqda olmasından şad olduğunu bildirib.
Qeyd edək ki, BMT sülhməramlı qüvvələri 1974-cü ildən Qolan təpələrində Suriya və İsrail arasında atəşkəsə riayət edilməsini müşahidə edirlər. Hazırda orada Filippin, Nepal, Fici, İrlandiyadan olan 1250 hərbçi var.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
