Aqrar-sənaye kompleksi

Ana səhifə

Əhməd Erentok: «Şəmkir Quşçuluq» müəssisəsi hazırda normal fəaliyyət göstərir»

03 dekabr 2008 11:57 (UTC +04:00)

Bakı. Rəşad Süleymanov – APA-Economics. Son vaxtlar Azərbaycanın quşçuluq təsərrüfatlarında baş verən neqativ proseslər «ATA Holding»ə daxil olan «Şəmkir Quşçuluq» müəssisəsinə də təsir göstərib. Bu barədə «APA-Economics»ə «ATA Holding»in Müşahidə Şurasının sədri Əhməd Erentok məlumat verib.
Ə.Erentokun sözlərinə görə, ötən ildən başlayaraq quş yeminin qiymətinin bahalaşması Azərbaycanda quşçuluq məhsullarının maya dəyərini artırıb: «Biz holdinqin dəstəyi ilə bu problemi dəf edə bildik. Hazırda müəssisə normal qaydada çalışır».
Hazırda müəssisənin illik istehsal gücü 30 mln. ədəd yumurta və 2 min ton toyuq əti təşkil edir.
Şirkət rəhbəri bildirib ki, «Şəmkir Quşçuluq» müəssisəsinin modernləşdirilməsi məqsədi ilə İsraildən mütəxəssislər cəlb olunub. Fabrikin istehsal etdiyi məhsullar «Kənd» yumurtası və «Kənd» toyuğu brendi ilə satışa çıxarılır.
Qeyd edək ki, Azərbaycanda 2003-cü ildən fəaliyyətə başlamış «AtaHolding» ASC-nin maliyyə sektorunda 3, sənaye və ticarət sektorunda 12, turizm, inşaat və xidmət sektorunda 8, enerji sektorunda 2, rabitə və İT sektorunda 3 şirkəti fəaliyyət göstərir.