Rusiyanın Uzaq Şərq regionunda meşə yanğınları son sutka ərzində 56 minə yaxın hektar meşə sahəsini məhv edib.
APA-nın RİA Novosti agentliyinə istinadən verdiyi məlumata görə, ümumilikdə bölgədə 164 yanğın ocağı qeydə alınıb. Yakutiyada 112, Maqadan vilayətində - 42, Xabarovsk diyarında – 9, Saxalin vilayətində isə 1 meşə yanğını qeydə alınıb. Son sutka ərzində 25 yeni yanğın ocağı əmələ gəlib, 8-i söndürülüb. Sutka ərzində alov 55,8 min hektar meşə sahəsini məhv edib.
Yakutiyanın bütöv meşə ərazilərində fövqəladə vəziyyət rejimi, 8 rayonda isə yanğına qarşı xüsusi rejim tətbiq edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
