Hadisə

Ana səhifə

Hadisə

Xəzərdə batmaq təhlükəsi ilə üzləşən balıqçıların adları açıqlanıb - YENİLƏNİB

Xəzərdə batmaq təhlükəsi ilə üzləşən balıqçıların adları açıqlanıb - <span style="color: red;">YENİLƏNİB

10 mart 2017 15:26 (UTC +04:00)

Fövqəladə Hallar Nazirliyi Xəzər dənizində batmaq təhlükəsi ilə üzləşən balıqçılarla bağlı yeni məlumat yayıb.

Nazirliyin mətbuat xidmətindən APA-ya verilən məlumata görə, Fövqəladə Hallar Nazirliyinin Böhran Vəziyyətlərində İdarəetmə Mərkəzinə sahildən 150 km uzaqda dənizə balıq tutmaq məqsədi ilə çıxan balıqçıların qayığının deşilərək içərisinə su dolması və batma təhlükəsi ilə üzləşməsi barədə məlumat daxil olub. Dərhal Nazirliyin Aviasiya Dəstəsinin 1 ədəd helikopteri xilasedicilər qrupu ilə birlikdə hadisə yerinə cəlb edilib.

Görülmüş operativ xilasetmə əməliyyatı nəticəsində balıqçılar - Əliyev Nəbi Abdulla oğlu, Axundov Loğman Ərəstun oğlu, Əliyev Azər Nəbi oğlu və Quliyev Bəxtiyar Aydın oğlu xilas olunub.

Balıqçılar FHN-in Aviasiya Dəstəsinin helikopteri ilə sahilə gətirilib.

***

saat 16.26

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə sahildən 150 km dənizdə balıq tutmaq məqsədi ilə çıxan balıqçıların qayığının çevrilməsi məlumatı daxil olub.

APA-nın FHN-in saytına istinadən verdiyi məlumata görə, Nazirliyin Aviasiya Dəstəsinin 1 helikopteri dərhal hadisə yerinə cəlb olunub, batmaq təhlükəsi ilə üzləşmiş 4 balıqçını xilas edərək, sahilə gətirir.

Əlavə məlumat veriləcək.