Gürcüstan bu ilin birinci rübündə xarici turizmdən 561 mln. dollar gəlir əldə edib.
APA-nın yerli bürosu Gürcüstanın Milli Bankına istinadla xəbər verir ki, bu məbləğ ötən ilin analoji dövrü ilə müqayisədə 28,6% çoxdur.
Hesabat dövründə xarici turizmdən ən çox gəlir 237 mln. dollar olmaqla mart ayının payına düşüb.
Qeyd edək ki, yanvar-mart aylarında qonşu ölkəyə səfər etmiş əcnəbi ziyarətçilərin sayı illik müqayisədə 15,5% artaraq 1 463 561 nəfər təşkil edib. Onların 353 932 nəfəri Azərbaycan vətəndaşıdır.