"Bank Avrasiya" ASC-nin aktivlərinin həcmi 2018-ci il iyulun 1-nə 169 mln. 444 min. manat təşkil edib ki, bu da ötən ilin müvafiq dövrü ilə müqayisədə 6,06% çoxdur.
Bankdan "APA-Economics"ə verilən məlumata görə, hesabat dövründə bankın kredit portfeli 4,04% artaraq 90 mln. 828 min manat olub.
2017-ci ilin müvafiq dövrü ilə müqayisədə bu ilin ilk 6 ayında bankın depozit portfeli 13,3% azalaraq 32 mln. 814,2 min manat təşkil edib.
Cari ilin ilk 6 ayı ərzində bankın məcmu kapitalı 3,22% artaraq 63 mln. 194 min. manata çatdığı halda, nizamnamə kapitalı dəyişməyərək 50 mln. manat təşkil edib.
Altı ayda "Bank Avrasiya"nın gəlirləri 6 mln. 675,7 min manata, xərcləri isə 3 mln. 592 min manata çatıb.
Qeyd edək ki, bu ilin ilk 6 ayında bankın əldə etdiyi mənfəət 4 mln. 645 min manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
