Sənaye və energetika

Ana səhifə

Ceyhan limanından göndərilən Azərbaycan neft 12,4% azalıb

12 mart 2012 16:15 (UTC +04:00)

Bakı. Əli Əhmədov - APA-Economics. Fevral ayı ərzində Ceyhan limanından dünya bazarlarına 2 360 491 ton Azərbaycan nefti çıxarılıb. Bu barədə «APA-Economics»ə ARDNŞ-dən məlumat verilib.

Bu, ötən ilin fevralına nisbətən 18,6% azdır. Şirkətin məlumatına görə, bu həcmin 1 358 686 tonunu Azərbaycan Dövlət Neft Fondunun nefti təşkil edib.

Cari ilin yanvar-fevral aylarında Ceyhan limanından dünya bazarlarına çıxarılmış neftin həcmi 4 816 479 ton olub. Bu, ötən ilin eyni dövrünə nisbətən 12,4% azdır. Ümumiyyətlə, BTC istismara verilən gündən 2012-ci il mart ayının 1-nə qədər Ceyhan limanından 178 834 507 ton Azərbaycan nefti dünya bazarlarına yola salınıb.