Din

Ana səhifə

Din

Sabah Ramazan ayı başlayır

20 iyul 2012 17:00 (UTC +04:00)

Şəvval hilalının görünməsindən asılı olaraq, Ramazan bayramı avqustun 19-na və ya 20-nə təsadüf edəcək.

Qafqaz Müsəlmanları İdarəsindən (QMİ) bildirilib ki, oruc və namaz vaxtlarını ayrı-ayrı qurumlar tərəfindən hazırlanan, təfriqə yaradan cədvəllərə deyil, Şamaxı Astrofizika Rəsədxanası ilə birgə hazırlanan, elmə əsaslanan, milli-mənəvi birliyə xidmət edən cədvələ müvafiq nizamlamaq tövsiyə olunur. Cədvələ riayət olunmasının təmini qazılara, yerlərdəki səlahiyyətli nümayəndələrə, axundlara, imamlara həvalə edilib.

QMİ-nin tərtib etdiyi cədvələ əsasən, Əhya gecələri Ramazan ayının 18-dən 19-na, 20-dən 21-nə, 22-dən 23-nə, 24-dən 25-nə və 26-dan 27-ə keçən gecələrə təsadüf edir. Bu gecələrdən biri (sonuncunun ehtimalı daha çoxdur) Qədr gecəsidir. QMİ mübarək Ramazan ayında hamını səbirli olmağa və Allah yolunda xeyirxah işlər görməyə dəvət edib.

Qeyd edək ki, Ramazan təqvimi APA-nın saytında da yerləşdirilib.