Bunu APA-ya açıqlamasında Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının baş geoloqu Ələmdar Piriyev deyib.
Ə. Piriyev bildirib ki, torpaq sürüşməsi kəndin sol yamacında baş verib: “Sürüşmə atmosfer yağıntılarının düşməsi nəticəsində baş verib. Əvvəllər də bu ərazidə sürüşmə hadisəsi olub. Sürüşmənin uzunluğu 2,5-2,7 kilometr, eni isə 400-450 metrdir. Hadisə nəticəsində iki ev sıradan çıxıb. Həmin evdə yaşayan sakinlər hazırda qohumlarının evində məskunlaşıblar. Sürüşmənin dilinə yaxın ərazidə də 3 ev var. Hələlik o evlərə zərər dəyməyib. Dağ şəraitidir, yəqin, yağış yağsa, sürüşmə aktivləşəcək, həmin evlərə də zərər dəyəcək”.
Qeyd edək ki, mayın 20-də İsmayıllı rayonunun Xankəndi kəndində torpaq sürüşməsi baş verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
