Bakı. Gülnar Bəşirova - APA. Fevralın 14-də Azərbaycan Milli Elmlər Akademiyası (AMEA) Rəyasət Heyətinin AMEA-nın Gəncə Bölməsində səyyar iclası keçiriləcək.
AMEA-nın mətbuat xidmətindən APA-ya verilən məlumata görə, bu məqsədlə AMEA prezidenti, akademik Akif Əlizadənin başçılıq etdiyi nümayəndə heyəti bu gün Gəncəyə yola düşüb.
Tədbirdə Gəncə Bölməsinin 2013-cü ildəki elmi və elmi-təşkilati fəaliyyəti və bölmənin elmi müəssisələrində doktoranturaya qəbulun nəticələri ilə bağlı məsələlər müzakirə olunacaq.