Tovuz. Azər Məmmədli – APA. Tovuz rayonunda biri avtobus olmaqla 3 avtomobilin iştirakı ilə yol qəzası olub. Tovuz rayon Polis Şöbəsindən APA-nın qərb bürosuna verilən məlumata görə, hadisə Bakı-Qazax magistralının Tovuz rayonundan keçən hissəsində baş verib.
Məlumata görə, Qazax rayonu istiqamətində hərəkətdə olan Tovuz rayon sakini, 17 yaşlı Murad Quliyevin idarə etdiyi “VAZ-2107” markalı avtomobil, Gürcüstan respublikasının vətəndaşı, 47 yaşlı Mehrab Yusubovun idarə etdiyi “Mercedes” markalı sərnişin avtobusu və polis əməkdaşı Vahid Bayramovun idarə etdiyi “Fiat” markalı maşın toqquşub. Qəza zamanı “VAZ 2107”-nin sürücüsü M. Quliyev xəsarət alaraq Tovuz Mərkəzi Rayon Xəstəxanasına yerləşdirilib. Tovuz rayon Polis Şöbəsində qəzanın baş vermə səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
