Bakı. Cavid Zeynalov - APA. Azərbaycanlı rejissorların filmləri Vyanada keçirilən “LET´S CEE” kinofestivalında iştirak edir.
APA-nın məlumatına görə, İlqar Nəcəfin “Buta”, Rodion İsmayılovun “Doğma ocaq” filmləri festivalın siyahısında yer alıb.
Sentyabrın 21-dək davam edəcək festivalda Mərkəzi və Şərqi Avropa ölkələrində istehsal olunan aktual mövzulu bədii və sənədli filmlər, eləcə də qısametrajlı ekran əsərləri nümayiş olunur.
“Buta” filminin rejissoru İlqar Nəcəfin APA-ya verdiyi məlumata görə, ilk dəfə olaraq festivalda Azərbaycan filmlərinə də yer ayrılıb: “Buta”nın nümayişində Azərbaycanın Avstriyadakı səfiri, ölkəmizin nümayəndə heyəti iştirak edirdi. Film sentyabrın 13-dən 19-dək hər gün nümayiş olunacaq. Tamaşaçılar tərəfindən maraqla qarşılandı, həmyerlilərimizin təəssüratları məni çox sevindirdi”.
“LET´S CEE” kinofestivalının nəticələri sentyabrın 21-də elan olunacaq. Festivalda 30 ölkədən 60-dan artıq film nümayiş etdirilir.
Festivalın proqramına azərbaycanlı rejissor Rodion İsmayılovun “Doğma ocaq” sənədli filmi də daxil edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
