Bakı. Pərviz Nuriyev - APA-Economics. Bu ilin yanvar-may Azərbaycan İpoteka Fondunun xətti ilə verilən ipoteka kreditlərinin orta məbləği 39 839 manat təşkil edib.
Azərbaycan Mərkəzi Bankından “APA-Economics”ə verilən məlumata görə, bu rəqəm ötən ilin müvafiq dövrü ilə müqayisədə 2,35 % çoxdur.
İpoteka kreditləri orta hesabla 278 aylığa, illik 6,83%-lə verilib. Qeyd edək ki, bir il əvvəlki göstərici ilə müqayisədə ipoteka kreditlərinin orta illik faiz dərəcəsi də aşağı düşüb. Belə ki, bir il əvvəl kreditlər illik 6,95%-lə verilib.
Hazırda ipoteka kreditləri üzrə aylıq ödənişin orta məbləği 318,5 manat təşkil edir. Bu isə bir il əvvəl ilə (321 manat) müqayisədə 0,7% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
