Bakı-APA. Dağıstanın Kumtorkalinski rayonunda naməlum silahlı şəxslərin açdığı atəş nəticəsində 2 polis əməkdaşı həlak olub, daha 1 asayiş keşikçisi yaralanaraq xəstəxanaya yerləşdirilib. APA-nın “İTAR-TASS”a istinadən verdiyi xəbərə görə, bu barədə Dağıstan DİN-in mətbuat xidmətinin açıqlamasında deyilir.
Məlumata görə, bu gün 20.00 radələrində Dağıstanın Kumtorkalinski rayonunda naməlum silahlı şəxslər salonunda polis əməkdaşlarının olduğu avtomobili gülləbaran edib.
Cinayətkarların müəyyən olunması istiqamətində əməliyyat aparılır.