APA-nın məlumatına görə, Roland Kobianın bununla bağlı yaydığı bəyanatda bildirilir ki, seçkiləri müşahidə edəcək missiyanın peşəkar və balanslaşdırılmış tərkibi, yerlərdə öz vəzifələrini yerinə yetirmək üçün maneəsiz iş şəraitinin yaradılması, onların DTİHB-in ümumi mandatı çərçivəsində uğurlu fəaliyyət göstərməsinə zəruri əsas formalaşdıracaq.
“Digər yerli və beynəlxalq müşahidəçilərlə birgə prosesdə iştirak seçki prosesinin bu mərhələsinin beynəlxalq legitimliyini artırmış olacaq. Ümidvaram ki, yekun dəyərləndirmə Azərbaycan hökumətinin ölkədə demokratik inkişafın əsas sahələrindən olan seçkilər sahəsində üzərinə götürdüyü beynəlxalq öhdəliklərin reallaşması nöqteyi-nəzərindən əldə etdiyi tərəqqini nümayiş etdirmiş olacaq”.