Bakı-APA. Dağıstanın Xasavyurt şəhərində baş vermiş silahlı insident nəticəsində bir polis əməkdaşı və yoldan keçən qadın yaralanıb, cinayətkar isə öldürülüb. APA-nın məlumatına görə, bu barədə “İnterfaks”a Dağıstan DİN-nin mətbuat xidmətindən bildirilib. Məlumata görə, atışma polis patrulu saxlanılmış avtomobilin sürücüsünün sənədlərini yoxlayarkən baş verib.
“Sürücü polis əməkdaşlarına tapançadan atəş açıb və cavab atəşi ilə öldürülüb. Atışma nəticəsində bir polis əməkdaşı və təsadüfi yoldan keçən qadın yaralanıb. Hər iki yaralı xəstəxanaya yerləşdirilib”, deyə mənbə bildirib.