Bakı – APA. Əfqanıstanda sərnişin avtobusunun qəzaya uğraması nəticəsində 4 nəfər ölüb, 40-dan çox adam yaralanıb.
APA-nın “Sinhua” agentliyinə istinadən verdiyi məlumata görə, qəza yerli vaxtla saat 04.00-da Vardak əyalətində baş verib.
“Avtobus Kabildən Qəndəhar əyalətinə gedirmiş. Sürücünün idarəetməni itirməsi nəticəsində avtobus aşıb. Dörd nəfər ölüb, 41 nəfər yaralanıb”, - deyə yerli hakimiyyət nümayəndələri bildirib.
Qəza nəticəsində yaralananlar xəstəxanalara çatdırılıb.