Bakı. Əli Əhmədov – APA-Economics. Azərbaycan İpoteka Fondunun xətti ilə verilən ipoteka kreditlərinin orta məbləği 38 749 manat təşkil edir. «APA-Economics»in Azərbaycan Mərkəzi Bankına istinadən məlumatına görə, bir il əvvəl ilə müqayisədə ipoteka kreditlərinin orta məbləği 1,1% azalıb.
İpoteka kreditləri orta hesabla 278 aylığa, illik 6,99%-lə verilir. Bir il əvvələ nisbətən ipoteka kreditlərinin orta illik faiz dərəcəsi də aşağı düşüb - bir il əvvəl kreditlər illik 7,21%-lə verilirdi.
Hazırda ipoteka kreditləri üzrə aylıq ödənişin orta məbləği 319 manat təşkil edir. Bu isə bir il əvvəl ilə (308,5 manat) müqayisədə 3,4% artıqdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
