APA-nın “RİA Novosti”yə istinadən verdiyi məlumata görə, bunu Rusiyanın xarici işlər naziri Sergey Lavrov Astanada deyib. O bildirib ki, Suriya kimyəvi silahların yayılmaması haqda konvensiyaya qoşulmalıdır.
S. Lavrov bu gün Cenevrədə ABŞ dövlət katibi Con Kerri ilə görüş keçirəcək. O, BMT-nin və Ərəb Dövlətləri Liqasının xüsusi nümayəndəsi Lahdar Brahiminin də görüşdə iştirakını istisna etməyib: “Lahdar Brahimi və komandasının Cenevrədə olduqları nəzərə alınarsa, biz kimyəvi silah problemi ilə yanaşı, Cenevrə-2 konfransının perspektivlərinin müzakirə olunacağı üçtərəfli görüşün keçirilməsini də istisna etmirik”.