Bakı-APA. Ukrayna Silahlı Qüvvələri bir müddət əvvəl separatçılar tərəfindən zəbt edilən “Doljanski” buraxılış məntəqəsinə nəzarəti bərpa edib. APA-nın “RİA Novosti”yə istinadən verdiyi xəbərə görə, bu barədə Ukrayna prezidentinin saytında dərc olunmuş məlumatda bildirilir.
“Son sutka ərzində Ukrayna Silahlı Qüvvələri Dövlət Sərhəd Xidməti ilə birgə “Doljanski” buraxılış məntəqəsinə nəzarəti ələ alaraq onun fəaliyyətini bərpa ediblər”, deyə prezidentin saytında bildirilir.
Məlumata görə, sapyorlar NBM ərazisini minalardan təmizləyərək ümumilikdə 35 partlayıcı qurğu zərərsizləşdiriblər.
Xatırladaq ki, Pyotr Poroşenko iyulun 1-də ölkənin şərqində atəşkəs rejiminin sona çatdığını elan edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
