Bakı. Vahab Rzayev – APA-Economics. Azərbaycanın «Bank Silk Way» ASC-nin 2013-cü ildə əldə etdiyi gəlirlərin həcmi 19,391 mln. manat təşkil edib ki, bu da 2012-ci ilin müvafiq göstəricisindən 30,2% çoxdur. Bankdan «APA-Economics»ə verilən məlumata görə, eyni zamanda bankın xərcləri 41,0% artaraq 11,730 mln. manata çatıb.
Bankın hesabatına əsasən, ötən il ərzində bank 2,6 mln. manat həcmində mənfəət əldə edib ki, bu da illik müqayisədə 34,4% azdır.
Qeyd edək ki, hesabat dövründə bankın faiz gəlirləri 14,114 mln. manat, qeyri-faiz gəlirləri 5,277 mln. manat, faiz xərcləri 4,314 mln. manat, qeyri-faiz xərcləri isə 7,416 mln. manat olub. Nəticədə, 2013-cü ildə bankın faiz mənfəəti 53,1% artaraq 9,8 mln. manata çatıb. Qeyd edək ki, ötən il bankın qeyri-faiz zərəri 2,139 mln. manat təşkil edib, 2012-ci ildə isə 0,213 mln. manat həcmində qeyri-faiz mənfəəti müşahidə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
