Bakı – APA. Gürcüstanda bir qrup məhbus damarlarını kəsib.
APA-nın yerli mətbuata istinadən verdiyi məlumata görə, hadisə Kutaisi şəhəri yaxınlığında yerləşən Gequti həbsxanasında baş verib.
Həbsxana rəhbərliyinin kobud rəftarına etiraz olaraq aclıq edən 17-dək məhbusun damarlarını kəsdiyi bildirilir.
Qeyd edək ki, ötən həftə Gequti həbsxanasında 800 nəfər aclıq aksiyasına başlayıb. Onlar həbsxana rəhbərliyinin işdən azad olunmasını tələb edir. Aclıq aksiyası artıq 5 gündür davam edir.