Nazir Səlim Müslümov: «Azərbaycanda saxta yolla ünvanlı sosial yardım alanlarla bağlı məlumatlar prokurorluğa təqdim olunacaq» - VİDEO

Nazir Səlim Müslümov: «Azərbaycanda saxta yolla ünvanlı sosial yardım alanlarla bağlı məlumatlar prokurorluğa təqdim olunacaq» - <span style="color: red;">VİDEO
# 11 fevral 2014 11:35 (UTC +04:00)

Bu fakt Ağdam rayonunda aşkarlanıb və 86 nəfərin həqiqətən qeyri-qanuni ünvanlı sosial yardım aldığı müəyyənləşdirilib. «APA-Economics»in məlumatına görə, bunu jurnalistlərə açıqlamasında əmək və əhalinin sosial müdafiəsi naziri Səlim Müslümov deyib.


Onun sözlərinə görə, Azərbaycanda ünvanlı sosial yardım alanların tam siyahısı Əmək və Əhalinin Sosial Müdafiəsi Nazirliyinin internet səhifəsində yerləşdirilib.


«Artıq bir sıra insanlar buna reaksiya veriblər. Belə ki, onların adları siyahıda olduğu halda heç bir yardım almayıblar və onlara ayrılan yardım başqaları tərəfindən mənimsənilib. Artıq buna görə məsuliyyət daşıyan şəxslər barəsində lazımi məlumatlar toplanılıb və yaxın vaxtlarda Respublika Prokurorluğuna təqdim olunacaq», - deyə S.Müslümov vurğulayıb.


Nazir əlavə edib ki, bu məsələ ilə bağlı digər rayonlar üzrə də məlumatlar daxil olur və Nazirlik lazımi yoxlamalar aparır.

#
#

ƏMƏLİYYAT İCRA OLUNUR