Bakı. Real Cəfərli - APA. İranda bir nəfər edam edilib.
APA-nın məlumatına görə, onun PKK-nın İran qolu sayılan PEJAK təşkilatının üzvü olduğu bildirilir. 34 yaşlı məhbus oktyabrın 26-da səhər saatlarında Salmas şəhərinin həbsxanasında dara çəkilib. Salmas şəhərinin sakini olan məhbusun ad və soyadı Rza İsmailidir (Mamedi).
Məhbus 2009-cu ilin iyununda həbs edilib və “Allaha qarşı müharibə aparmaq” ittihamı ilə ölüm cəzasına məhkum edilib.