Bakı. Real Cəfərli – APA. Suriya xarici işlər nazirinin müavini Faysal Miqdad İranda səfərdədir.
APA-nın “Fars” xəbər agentliyinə istinadən verdiyi məlumata görə, F. Miqdadın bu gün İranın xarici işlər naziri Məhəmməd Cavad Zəriflə görüşü gözlənilir.
O, ikigünlük səfər çərçivəsində İran xarici işlər nazirinin Afrika və ərəb ölkələri üzrə müavini Hüseyn Əmir Abdullahian və digər rəsmilərlə də görüşəcək. Görüşlərdə Suriya böhranı və bununla bağlı yanvarın 22-də İsveçrədə keçirilməsi planlaşdırılan beynəlxalq konfrans əsas müzakirə mövzusu olacaq.