APA-nın Moskva müxbirinin verdiyi məlumata görə, bu barədə Rusiyanın "Novaya qazeta” nəşri xəbər yayıb.
Qəzet yazır ki, ötən həftənin sonunda hüquq-mühafizə orqanları prezident Vladimir Putinə Ruslan adlı şəxs haqqında məruzə ediblər: “Bundan başqa, qətlin təşkilatçıları və icraçılarının adları prezidentə təqdim olunub. Qatil heç də Dadayev deyil”.
Nəşr bildirir ki, Ruslanın kimliyi DİN, FTX və İstintaq Komitəsinə məlumdur: "Onun soyadı bizə də məlumdur, lakin təqsirsizlik prezumpsiyası baxımından onu yazmırıq".
Qəzet Ruslanın da Z. Dadayev kimi Çeçenistandakı "Şimal" batalyonunda qulluq etdiyini yazıb: "O, dəfələrlə mükafatlandırılıb".
Qeyd olunub ki, Ruslan son vaxtlar Moskvaya köçüb.