Bakı-APA. ABŞ, Rusiya və İsrail Suriya üzrə üçtərəfli məsləhətləşmələr aparmır.
APA-nın TASS agentliyinə istinadən verdiyi xəbərə görə, bunu ABŞ Dövlət Departamentinin sözçüsü Con Kirbi bəyan edib.
Sentyabrın 21-də Moskvada Rusiya prezidenti Vladimir Putin və İsrailin baş naziri Benyamin Netanyahunun görüşünü şərh edən C.Kirbi deyib: “Mən bunu üçtərəfli danışıqlar kimi səciyyələndirməzdim”.
C.Kirbi Rusiya-İsrail danışıqlarına hər hansı şərh verməkdən imtina edib. Həmçinin, Dövlət Departamentinin mətbuat xidmətinin rəhbəri Rusiyanın kəşfiyyat məqsədi ilə Suriyada pilotsuz uçan aparatlardan (PUA) istifadə etdiyini təsdiq etməyə hazır olmadığını bildirib.