APA-nın Şəki-Zaqatala bürosunun verdiyi məlumata görə, hadisə ötən gün axşam saatlarında Yevlax-Zaqatala-Gürcüstan magistral yolunun 134-cü kilometrliyində qeydə alınıb. Zaqatala rayon sakini, 1980-cı il təvəllüdlü Məmmədov Telman Sabir oğlunun idarə etdiyi 62 BF 113 dövlət nömrə nişanlı, “VAZ-21102” markalı avtomobil Balakən rayonu istiqamətində hərəkətdə olarkən qarşıdan gələn Zaqatala rayon sakini Məmmədov Etibar Məhəmməd oğlunun idarə etdiyi “Toyota-Prado” markalı 90 EM 222 dövlət nömrə nişanlı maşınla toqquşub.
Nəticədə “VAZ-21102” markalı avtomobilin sürücüsü Telman Məmmədov və avtomobildə olan digər sərnişinlər – T. Məmmədovun valideynləri, 1957-ci il təvəllüdlü Məmmədov Sabir Abdurahman oğlu və 1958-ci il təvəllüdlü Məmmədova Zərqələm aldıqları müxtəlif dərəcəli bədən xəsarətləri ilə Zaqatala Mərkəzi Rayon Xəstəxanasına yerləşdirilib.
Həkimlər yaralıların vəziyyətini orta-ağır qiymətləndirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
