Bakı – APA. Şair-publisist Dərviş Cavanşir vəfat edib.
Bu barədə APA-ya yazıçı Əlabbas Bağırov məlumat verib. Dərviş Cavanşir dünən saat 22 radələrində ürək tutmasından dünyasını dəyişib.
O bu gün Hövsan qəsəbəsindəki Dədə Qorqud qəbiristanlığında torpağa tapşırılıb.
Məmmədov Cavanşir Musa oğlu (Dərviş Cavanşir) 1954-cü il yanvarın 9-da Naxçıvan Muxtar Respublikasının Əliabad kəndində anadan olub.
Bədii yaradıcılığa XX əsrin 60-cı illərindən başlayıb. İlk dövrlərdə ədəbi-publisistik əsərləri və şeirləri Cavanşir Eloğlu, 1992-ci ildən isə Dərviş Cavanşir imzası ilə çap olunub.
1990-cı ildən Azərbaycan Yazıçılar Birliyinin, 1996-cı ildən Jurnalistlər Birliyinin üzvü olub.
Qeyd edək ki, Ə. Bağırov əvvəlcə APA-ya açıqlamasında yanlış olaraq vəfat edən şəxsin tənqidçi Cavanşir Yusifli olduğunu bildirib. Dəqiqləşmə aparılandan sonra yanlışlıq aradan qaldırılıb.
Yanlışlığa görə C. Yusiflidən və oxuculardan üzr istəyirik.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
