Bakı. Rüfət Əhmədzadə - APA. İran və “altılıq” ölkələri arasında nüvə danışıqları sentyabrda Nyu-Yorkda davam etdiriləcək.
APA-nın “Rosbalt” istinadən verdiyi məlumata görə, bu barədə İran xarici işlər nazirinin müavini Abbas Əraqçı bildirib.
Onun sözlərinə görə, danışıqlar BMT-nin Baş Assambleyası sessiyası çərçivəsində baş tutacaq.
Qeyd edək ki, BMT Baş Assambleyasının sessiyası sentyabrın 16-da başlayacaq. Əgər danışıqlarda İran tərəfi zənginləşdirilmiş uran ehtiyatlarını 20 faizə qədər endirməyə razılaşarsa, “altılıq” ölkələrində dondurulmuş İrana məxsus 2,8 milyard ABŞ dolları həcmində vəsait yenidən aktivləşə bilər.